陈法拉美国获安排试镜：好似打机过关

刚于美国完成戏剧硕士课程嘅陈法拉，今日飞返香港出席时尚活动，法拉早前跟美国荷里活金牌经理人United Talent Agency（UTA）的Brian Swardstrom签约，做奥斯卡影后法兰西丝麦杜文（Frances McDormand）同门师妹。

法拉今朝凌晨五点落机，点解时间预到咁赶? 因为她忙著试镜，法拉说:“𠮶边有时Last minute先send 剧本嚟做casting，所以预喺美国嘅时间松动啲。”问到系试哪些角色，法拉形容系蒙住眼掷飞镖，好似新人咁由头做起，不过话晒都系跟著名经理人，所以啲角色有经过筛选，都系值得做的角色。

不过法拉就话暂时仲未收到好消息，佢坦言有时都会有啲气馁，但同时认为系一个好好的学习机会:“试镜就好似打机咁要过好多关，有时连合约都倾埋，但最后电影公司都系拣咗其他人，但都系一个好好嘅学习经验，都几得意。每一次做完都会想做得更好，有时呢个试完未有消息，咪试下一个啰。”虽然签咗美国经理人，但法拉都不忘香港观众，佢透露今朝一落机就见咗个导演，嚟紧都有一啲香港嘅作品倾紧，所以大家唔使担心!