【世界杯】曾志伟唔识灯神Lulu：我身边已经好多明灯
撰文： 冼燕珊
出版：更新：
曾志伟好友三哥苗侨伟近日六十大寿，志伟同一班好朋友，一齐飞去加拿大贺佢登六。不过因为佢今日要出席活动，所以率先返港，未能与成班老友尽兴。
志伟透露之后会到云南拍戏，拍完戏就会同好友谭咏麟去俄罗斯睇世界杯，“我年年都系支持巴西，自己钟意巴西，死忠Fans，今年都唔例外（所以都睇好佢攞冠军?）系呀!”讲开世界杯，好难唔提灯神Lulu，最近先后灯输德国、哥伦比亚同埃及，不过志伟就唔识得呢位灯神，亦唔需要Lulu做佢嘅明灯:“我身边都好多明灯，佢买亲边队，我哋买对家就赢㗎喇，最惊佢唔买。”
志伟今日出席奇华饼家80周年活动，佢已经担任代言人23年，志伟仔仔曾国祥同女友王敏奕近日搬入贝沙湾好宅，兼传出婚讯，但志伟对于饮新抱茶都系抱随缘态度:“我觉得无咩所谓，佢想结婚咪OK啰，佢唔想住咪算啰，结婚嘅系佢唔系我，最重要系佢哋都想，我就绝对支持。”