【父亲节】王君馨坐的士去同爸爸食饭途中遇车祸　要坐救护车入院

今日是父亲节，不少人都会趁呢个日子陪爸爸庆祝一下，王君馨 (Grace) 难得不用开工就当然有陪爸爸啦。不过Grace同老公坐的士去同爸爸食饭的途中，却发生了车祸！好彩只属小意外，Grace与她老公受了轻伤，虽然要坐救护车去医院检查同睇医生，但就没有大碍。事后Grace就于她的instagram讲返当时的情形，又上载了相同片畀大家睇。

Grace在ig出post话：“今日坐的士约咗爸爸喺铜锣湾食父亲节饭，无端端喺东区走廊我哋加的士好快咁刹车，啱啱赶得切冇撞到前面架车，跟住就即刻俾后边架车撞倒。胸部颈部同背脊有少少Chok亲。老公个颈同埋头有少少chok亲。之后落车比口供，影到撞到我哋𠮶架车炒到咁，好彩冇人大受伤。”

“第一次坐真正嘅救护车，身为小演员的我当然有少少好奇，问长问短，仲问佢哋有冇睇栋仁的时光。15分钟后到湾仔Ruttonjee Hospital. 一个钟头内，睇咗医生写咗报告，落咗口供，攞咗消炎药同药膏离开。医生话骨同埋神经线冇事，应该系拉伤肌肉，休息几日应该冇事，感谢神 ！多谢所有警察哥哥，救护人员同埋医生护士的照顾，令我哋每一刻都可以放心。A bit shaken by everything that just happened, but feeling safe and happy to be alive.
唯有下次先同爸爸食餐好嘅！祝各位父亲，平平安安，健健康康，父亲节快乐！Happy Fathers Day.”