【早霸王】男听众恋上已婚男同事　勇敢公开表白：想讲声我爱你

相信如果有follow开森美同小仪主持的“你知唔知道有人挂住你”表白环节，一定对“阿希事件”印象十分深刻，事缘数年前呢个环节仍在《架势堂》时，有名叫“管家婆”的男听众，希望藉节目同“阿希”表白，不过，当电话接通后，森美先发现原来“阿希”都系男仔，此料不及的发展，令森美当时只能吐出“阿…阿希…啊…啊…啊！”

经历过“阿希事件”后，相信森美对于同性表白已经好识得处理。因为就喺今日嘅“你知唔知道有人挂住你”环节，接到一名叫Johnson嘅男听众电话，表示想对公司男同事表白，他更以“表面上唔钟意，实际上应该钟意”形容对方的性倾向，又指“同事成日传我哋有嘢，佢当然否认，我就半推半就。”Johnson话二人曾在annual dinner上一齐玩夹蕉游戏，有感与对方十分投契。

不过，就系准备打电话之际，Johnson就竟然讲咗句“佢结左婚……”森美同小仪都即时静咗，但亦好快咁解释比Johnson听“你会搞乱人哋生活。”森美强调唔帮佢表白并非与性倾向有关，而系“佢有婚姻，你就要尊重，虽然你嘅爱系无错”Johnson听完之后，就话“我无话佢唔钟意另一半，但我觉得佢好似钟意我。”至于有几钟意呢？Johnson独自表白时，就提到“你夹蕉𠮶时真系好迷人，我知你未必接受我，但我都想讲声我爱你。”虽然最后都无公开呢位已婚男同事的姓名，但Johnson表白时，就称对方为“白雪人”，更指呢个系二人之间的暱称。