朱千雪做善事唔怕畀人呃：10个有9个呃，都可以帮到1个

朱千雪 (Tracy) 唔止样靓身材正，原来仲好有爱心同善心，绝对是内外在美兼备的女神。Tracy今日出席慈善义卖活动时表示自己在加拿大读书时已开始参与义工服务。她说：“𠮶时我每逢暑假都会参加一啲慈善暑期班，带住一班小朋友去玩，照顾佢哋，我16岁，啲小朋友就7、8岁左右。”而Tracy自从当选港姐后，亦有参与慧妍雅集的慈善活动去帮助有需要的人。

Tracy 话她每一次做义工都会觉得好感动：“因为见到好多人都好有慈心，好无私咁去帮人。”她的爸妈亦有自小教她要多做善事。对于有不少骗徒会利用人的善心去行骗，问到Tracy怎样避免受骗，她说：“我都有谂过呢个问题，如果10个入面有9个系呃人嘅，咁我帮佢哋都会帮到1个，我唔去帮嘅话就连呢1个都帮唔到。我自己帮人唔会去猜疑，唔会知道对方系咪呃人㗎嘛，除非好明显啦。”

Tracy最想可以落手落脚去帮助其他人，不过时间未必许可，所以捐钱是最快捷的方法：“我每次经过铜锣湾见到有公公婆婆卖白兰花，都一定会买，钱唔系多，10蚊廿蚊当系支持下佢哋。我好想喺香港做多啲慈善工作，有句说话系“charity begins at home”，香港系我屋企，我想为呢个地方付出多啲。”