【开心速递】陈伟琪一拖三游泰攰到爆 细龙太真人原来好有爱
撰文： 陈栢宇
出版：更新：
处境剧《爱．回家之开心速递》中，代表大房派的“大小姐”林淑敏和代表二房的“细龙太”陈伟琪（Vicky）经常在“威龙百货”里面斗法，好多观众都觉得Vicky串串贡之余仲背夫偷食何启南好衰格，非常乞人憎。不过，戏外嘅Vicky其实相当识做，放低办公室政治的她最近便到了泰国布吉旅行，期间性感大解放，以针织大Deep V泳衣骚Quali。寻晚在网上贴相公开装束的Vicky就吸引到好多人留言同赞好，她在留言写道：“Let me be your sunshine on this rainy day.”
Vicky接受《香港01》访问时，便指自己已经叉完电回港：“其实我系同爹哋妈咪，仲有我一个Best Friend去嘅，散下心咁。虽然凑住两个老人家都几攰，要揸车载佢哋周围去，但系我好开心，好珍惜有咁嘅机会，佢哋年纪开始大，趁佢哋行得走得，想带多啲佢哋去旅行。”她又指今次旅程其中一个目的是练拳：“跟返我之前泰拳师傅练，𠮶条街其实都多训练中心，亦好多Massage，之前试过抽一星期去泰国练拳，练完拳晒太阳再揼骨，之后继续练拳。”
+2
Vicky不时走去练拳，岂不是会闷亲爹哋妈咪？她即笑指两老节目多多：“佢哋懒到死，不停揼骨揼骨揼骨。（唔叫佢哋打埋一份？）我爹哋净系见到我打拳件衫好型之后再跟我买多件咋！”至于旅程中有否其他搞笑事？Vicky笑说：“去到边度啲人都系同我讲泰文，个个都以为我系泰国人！出境时个移民官仲问我拎电话。（畀咗？）冇呀，之后先觉得唔抵，因为畀咗可能下次过关唔使排队。”
Vicky其他靓相：
+20