【多图】《全民造星》肥仔都撼赢翻版彭于晏　提早入围50强

ViuTV大型选秀节目《Good Night Show 全民造星》99位型男再度会见传媒，而早前《全民造星》喺社交网站发布投票，得到最多心心嘅参赛者就能够入围五十强，照片发布后都得到好大嘅回响，不过评论大多数都系指出造型老土，有网民更话会惨淡过《亚洲先生》选举，咁就睇下佢地嘅造型系咪真系咁老土。

45号绰号肥仔（梁业）今日(3日)已经宣布提早入围50强，好多人都可能会问佢又唔系高大靓仔，究竟那来的自信参选呢？肥仔话：“我可能样貌同身型唔系好符合呢个比赛，但我都想走一条另类路线嘅偶像派出嚟。”不过讲到参选者好多会似乜乜明星，肥仔就自爆从小就被人称翻版曾志伟、翻版杜文泽同翻版洪金宝，肥仔亦称自己偏向同杜文泽似样。

而赛者17号邓乔就话上次造型照出街之后，大家都误以为他喺嚟自菲律宾：“个时候大家都话我似菲律宾人，咁我又唔系好介意，咁始终大家都冇话我好差，纯粹大家可能误会咗我种族。”除咗佢似菲律宾人之外，邓乔都认同自己同照片好唔似样：“我都觉得唔似，不过我唔知道影相好定差，咁如果影相出嚟系好都几好嘅。”

99号参赛者姜涛就被大家形容为翻版彭于晏，佢接受访问时候似害怕面对镜头，不断退后。很多人话佢系翻版彭于晏，姜涛就表示自己一开始时唔愿意接受：“我开始时候唔想认，但大家都话我好相似，唯有接受，不过彭于晏当然靓仔过我好多啦。”每一位参赛者都会有自己嘅一份自信，而姜涛就表示佢自信来源于累积经验，因为之前在大陆参加过一次呢类型比赛，佢仲透路今次会准备好多武器去挑战呢一场赛事。