卓韵芝成《全民造星》导师 拣学员唔睇外表：最紧要有才华
撰文： 赖家杰
出版：更新：
ViuTV大型选秀节目《Good Night Show 全民造星》99位型男将经过首轮淘汰后再由10位星级导师进行一系列特训。今次节目导师都为分为两组，抢夺优秀学员令队中学员成为第一名，Tema A导师分别有火火、刘美君、陈浩然、Sunny Wong、马天佑，而Team B导师就分别有Eric Kwok、侧田、卓韵芝（Vincci）、麦秋成、Felix Wong。
导师之一的卓韵芝（Vincci），现场首次见到99名参赛者，作为选秀节目导师要求当然要好高，而一向都系才女路线示人的Vincci，就表示首要留意佢地嘅才华：“除咗要留意佢地才华之外，我都要心里面Mark实我喜欢嘅人，可唔可以入到我队伍。”Vincci还透露唔系主要睇样貌，好期待佢地嘅口才，因为口才都好重要。
Vincci虽然口讲就系喜爱有才华嘅男生，但现场都有唔少大只仔，Vincci称：“我口就讲喜爱大只仔，但你从我个人就知道我系喜爱有才华嘅男性啦，所以我都好希望佢地点样表达到自己，佢哋有冇幽默感方面我都好紧张。”