【深宫计】周秀娜踢走胡定欣夺取皇后之位：我因为暗恋皇上先入宫

无线重头剧《宫心计2深宫计》已经播映了10集，不过仍未见有份主演的周秀娜 (Chrissie) 出场，因为她要到第18集先会出场，大家如果想睇她的演出唯有再耐心等下。Chrissie今日出席活动时表示，自己都心急想睇自己于剧中登场，她说：“我嘅出现会令胡定欣同马浚伟嘅关系起咗好大嘅变化。(你系第三者？) 唔系，我系妃子嚟，皇上有好多妃子㗎嘛，妃子唔系第三者。”据知Chrissie之后将会取代胡定欣的皇后位置，深得皇上马浚伟的宠爱。问到Chrissie在剧中到底用了甚么手段去夺取皇后之位，她说：“就系唔使任何手段先劲，我系用爱，讲我好爱马浚伟，因为暗恋佢所以先会入宫，大家拭目以待。”

Chrissie这次为世界杯活动担任嘉宾，原来平时几乎不睇波的她也会收看世界杯的赛事：“嚟紧我会睇呀，我心目中嘅四强系葡萄牙、英格兰、德国同阿根廷。自己唔钟意一个人睇波，钟意同朋友一齐睇。（有无赌波？）小赌怡情，其实我唔识㗎。”至于球星，她就喜欢C朗、美斯以及尼马，不过她认为巴西队的往绩表现很难打入四强。

另外，有报道指Chrissie代言的内衣品牌官网已经停止运作，对此Chrissie说：“其实我同佢哋嘅合作喺两年前已经结束咗，我无再参与过任何有关嘅嘢，我希望佢哋可以度过难关。”她又话暂时未有再做生意的打算：“就算做都系做网上嘅，始终做生意都要亲力亲为，除非有好信任嘅partner，咁我都可以投资下嘅。”