王敏奕被爆搬入贝沙湾：系一件开心事
撰文： 赖家杰
出版：更新：
王敏奕（Venus）系电视剧《飞虎之潜行极战》中的唯一女飞虎，所以非常受注目，成为焦点后 Venus 工作量大增：“其实宜家都多咗好多新尝试洽谈中，但就未能透露，不过其实都一直有品牌代言揾我嘅。”
工作量多咗，收入随之增加，加上男友曾国祥凭执导《七月与安生》而声名大噪，大家都事业爱情两得意，最近两人被影到搬入贝沙湾豪宅居住，Venus就话冇乜所谓：“其实已经畀人跟咗几日，初头都担心唔知咩事，因为我咁闷都跟，咁我觉得冇乜事嘅，因为都系一件开心事嚟，住得舒适。”对于被指居住环境升呢全靠男友付出， Venus 就表示唔同意：“其实我都有一齐努力，不过好开心住到一个好环境。”
今时今日，年纪轻轻就住到贝沙湾真系唔简单， Venus表示因自细就要照顾屋企人，身兼母职嘅佢就话最重要懂得理财。作为家庭支柱嘅 Venus ，养家对佢嚟并唔系一种负担：“当自己能力越大，责任就越大。”