【飞虎之潜行极战】吴卓羲“当差”13年 重温“冲动羲”鲁莽史
《飞虎之潜行极战》播咗两星期，无线迟迟未公布收视，但系坊间反应不俗，相信大家想睇吴岱融同苗侨伟有几型、飞虎队有几多大只仔，同埋边个系卧底之外，仲应该对第N次做冲动派警察嘅“御用警察”吴卓羲几时再冲动感兴趣。
其实呢套剧出街前都有唔少网民都讲过吴卓羲13年“警察生涯”入面做嘅角色全部都非常冲动，仲冲动到成件事畀佢搞弯晒，而家就同大家回顾冲动羲嘅冲动事迹啦！
“冲动羲”几乎喺每套剧入面都会被上司训示，甚至被处分。就好似今次嘅《飞虎》里面，吴卓羲冲动单独带队行事，令到疑犯有机会逃脱，之后就极冲动火爆咁想黄宗泽发脾气，仲想郁手打泽囝，被迫转做文职。唔单止咁，吴卓羲收到少少情报之后就衰冲动带队去救威廉仔，点知就中咗恐怖份子圈套，最后都救唔返威廉仔，更差啲炸死自己。其实我已经睇晒成套《飞虎》，吴卓羲嚟紧仲会有好多冲动事迹，记得密切留意！不过羲哥都收到大家的意见，他接受《香港01》访问，说：“都有问过导演，导演话唔通你想沉实啲咩，有少少冲动先会有啲效果去吸引观众。”不过羲哥演冲动角色系几好睇，如果有日见佢演冷静角色，我谂好多人都唔惯。
吴卓羲喺2005年嘅《学警雄心》做学警UI 66336，当时佢仲喺警察训练学校入面已经好冲动，事缘佢妈咪病咗，无啦啦发啲同期脾气，之后自己都病埋......
2009年卓羲喺《学警狙击》入面饰演湾仔区特别职务队警员，即系卧底啦，自己冲动私下运毒，最后仲累死咗Laughing Gor......
吴卓羲喺2011年《法证先锋》入面饰演西九龙总区重案组警长，冲动追疑犯，交唔到差之余，又被上司指责身位执法人员行为不当，仲连累到证据被撤销。
唯一唔冲动例子：《拆弹专家》
不过冲动咗咁多年，吴卓羲终于喺2017年《拆弹专家》入面，都有冷静嘅时候，好可惜去到2018年嘅《飞虎》，佢又变返冲动喇......