农夫自嘲唔识普通话　撑邓紫棋做《中国新说唱》导师：佢好流利㗎

农夫今日（19日）出席一个美食街开幕活动，同大家分享自己钟意的食品，还现场演唱《举高只手》，炒热气氛。早前刚刚在澳门开完演唱会的农夫，嚟紧将会在内地同东南亚继续开show，农夫透露美国拉斯维加斯和德国现时都在和他们密密讨论演唱会事宜，如果可以在欧美国家开唱，不知道农夫会不会唱下英文歌呢？鬼马的农夫笑言：“如果要唱英文歌，我哋就完全冇英文歌嘅，但我哋有英文歌名嘅歌㖞，净系唱个歌名得唔得呢？起码你听得明个歌名啦。”两人古灵精怪，大家在听演唱会的同时，可能随时笑到飙眼水添。

早前GEM邓紫棋确认加盟《中国新说唱》做导师，引起网民热议，阿GEM唱歌就了得，要做一班rapper的导师似乎有点不合理，不过农夫却不以为然：“如果我哋做可能有啲奇怪，起码要操流利嘅普通话啦，即系你自己都听唔明，又讲唔到，我哋连讲都讲唔到，佢都好流利㗎嘛。”至于他们有无兴趣去这个节目，两人就表示如果要参加，普通话一定要好好，但自己就连讲都困难呀。现在GEM主打内地市场，之前农夫有话同对方合作只歌，不知道歌词方面会不会用普通话呢：“咁又唔会，即系因为我哋真系唔叻呀嘛，其实系可以共同存在嘅，即系佢唱普通话，我哋唱广东话又得，或者佢可能好钟意唱同埋佢都系想唱广东话都得㗎。”但是农夫表示首歌就暂时未开始构思。

还有一个月时间就到暑假，不过陆永就尚未有确实的计划带囡囡去哪里旅行，但隔离的C君似乎就有妙计：“不如试下带佢返学啦，暑假又要冇得返学，几惨！”陆永表示都有筹备下，但好多时候都是即兴的，不过C君就建议对方带囡囡去自己屋企玩，真是好鬼马！