【有片】萧敬腾2亿超级豪宅曝光　酒店级设施豪到吓亲人

出道时被称为“省话一哥”，令主持人闻风丧胆嘅萧敬腾，呢日居然传出佢接下台湾金曲奖主持一职，仲要系得佢一个独挑大梁。呢日记者会上播出一条老萧嘅访问短片讲下感受，不过大家嘅注意力就落咗喺片中背景，原来拍摄地点正正系老萧去年购入价值2亿新台币嘅豪宅﹗

短片一开始见到萧敬腾揸住3500万新台币嘅白色劳斯莱斯入镜，驶入停车场后拎出锁匙行入豪宅，里面除咗有私人庭院外，大厅放置一部鲜红色三角琴。沿住屋内楼梯向下行，老萧屋企里面居然有个私人篮球场，认真夸张﹗另一个角落放置两部重型电单车，墙上放有数十对波鞋。

镜头一转老萧行出室外，见到一个超大嘅私人泳池，就好似六星级酒店一样，相当夸张。据知老萧去年3月购入呢个，位于台北南港区超级豪宅，山面湖环境相当优美。整个屋苑只有27户，保安方面相当严密，张惠妹都系佢嘅邻居。虽然呢间豪老要成2亿新台币，不过对于每年数十场商演同代言合约，年赚7亿嘅老萧嚟讲，买嚟送俾自己做生日礼物绝对不为过。