【哈里王子大婚】Meghan哈里善心爆棚 借婚礼鲜花与世人分享幸福
撰文： 洪晓璇
出版：更新：
英国哈里王子与梅根（Meghan Markle）嘅世纪婚礼受全球瞩目，虽然早已圆满落幕，对于婚礼每个细节，无论设计理念、价值、寓意等，大家都仍在继续热烈讨论。婚礼上用上好多哈里王子妈妈戴安娜王妃喜欢嘅白玫瑰布置，大量鲜花以及梅根手上嘅花球原来并无被弃置。
+3
一对新人出名热心公益，除咗有200名来自各大慈善机构代表出席婚礼，哈里王子亦邀请一名14年前于非洲赖索托（Lesotho）认识嘅孤儿Mutsu Potsane参与婚礼，而英国王室官方网站嘅萨塞克斯公爵夫人（Duchess of Sussex）专页，亦以大篇幅介绍梅根参与过嘅公益活动。除此以外，就连婚礼嘅布置物资，佢哋都用作慈善用途。
一间喺伦敦嘅临终关怀医院，于上载一张老太太捧住大束鲜花笑得好灿烂嘅相，留言写上：“今日我们收到很特别的礼物，病人们手中的鲜花来自皇室婚礼，非常感谢哈里王子、梅根以及花艺师Philippa Craddock，令医院弥漫香气。”原来婚礼过后，除咗部分花拎返皇宫种植以外，其余鲜花都被送往不同嘅医院及收容所，为病人们增添温暖。
至于梅根当日嘅花球，用上戴妃生前最爱嘅Forget me not以及皇室新娘必备嘅香桃木（Myrtle），相当抢眼。婚礼后并无大家常见嘅抛花球环节，原来花球留低喺西敏寺嘅英军烈士碑上。根据英国皇室官方Twitter所讲，呢个传统已经有近百年历史，当年伊莉莎白女王大婚当日，进入西敏寺时将花球放喺英军烈士碑上，以作纪念1915年于战役中牺牲嘅家人Fergus，以及向第一次世界大战中数百万遇难和伤亡嘅人致敬。自此成为另一皇室新娘传统，2011年威廉王子同凯特结婚，当时嘅花球亦有跟传统，留喺英军烈士碑上。