【再见亦是朋友】Wyman庆生星闪闪　容祖儿刘浩龙大方合照

分手后到底会变陌路人，还是可以再见亦是朋友？好多时取决于两个人嘅心态，如果身处同一朋友圈，好似容祖儿同刘浩龙咁，大大方方做返朋友，可能更开心。师兄同JOEY虽然5年情断令大家感到相当可惜，不过佢地嘅感情似乎已经升华，继早前师兄开SHOW时，JOEY不避嫌撑场仲企定定任影唔嬲，呢日又一齐出席黄伟文生日会。

今日（5月21日）系Wyman 49岁生日，大批圈中好友出席佢嘅Bling Bling生日会，好似吴君如、陈可辛、徐濠萦、郑欣宜、薛凯琪、王菀之等，个个都配合主题著到劲闪，大合照中见到Joey同师兄大方企埋一齐，再见亦是朋友算这种。Joey留言祝贺Wyman话：“以后都要冰冰（Bling Bling），只有这样我们就可以永远的撞衫。亲爱的，生乐身康（生日快乐身体健康）。”

每次同好友相聚时光都总系过得特别快，早前Joey孖住克勤去到广州出席《音乐先锋榜颁奖礼》，两个人分别扫走五个奖项，连埋同公司嘅泳儿、洪卓立、吴浩康及钟舒漫，一共捧走十八个奖项，可谓今次颁奖礼嘅大赢家。Joey表示好开心《重生》呢首歌得到大家嘅肯定，“虽然旧年嘅作品比较少，但嚟紧无论国语或者广东歌都好快会同大家见面，希望能够继续得到大家嘅支持。”