【美女厨房‧多图】孖妹似足99%！ 余香凝亲妹当美少女学徒
撰文： 林迅景
出版：更新：
《美女厨房》新一辑将会在6月份同大家见面，相信大家一定好期待到时候哪个女艺人会当选成为新一代《美女厨房》地狱厨神。不过喺大家期待边位女星会上场煮食之余，其实一众“美少女学徒”的期待度都十分之高，更有不少系新面孔添，就例如余洁滢（Zoe Yu）。
呢个系家姐余香凝：
+11
睇个名，可能都估到余洁滢（Zoe）同余香凝（Jennifer）有啲关系，睇埋个样，真系似到十足。原来余洁滢与余香凝是亲生姊妹，2人年龄相差只有3年。现年21歳的余洁滢（Zoe Yu）接受《香港01》访问时说：“其实细个𠮶阵都唔系好多人话我同家姐似样，但越大就越多人话我哋似様。入行原因其实好大部分都系因为家姐，𠮶阵见佢做model做咗几年，拍下广告、影平面相又拍下港台剧，就觉得好多尝试、好好玩、好特别，每一个角色都系全新嘅，唔系平时嘅自己。因为我中学都有学drama，所以我都想入行睇吓有冇机会接触到演戏有关嘅工作。”
Zoe入得厨房最叻煮鸡翼
虽然呢，就冇人话过做《美女厨房》嘅“美少女学徒”一定要识煮饭，但原来余洁滢除咗样靓之外，煮饭都好叻。“拿手小菜就系煮鸡翼，因为我好钟意食鸡翼，无论咩煮法我都钟意，我最叻就系煮瑞士鸡翼。平时我都有煮甜品例如心太软，仲会整生日蛋糕畀朋友，仲识煮一啲普通嘅小炒，迟啲大家就会见到我教煮嘢食嘅片。”
大家都知姐姐余香凝现时与陈家乐拍拖，处于“封盘”状态，但系唔紧要！因为妹妹余洁滢仲系单身。余洁滢（Zoe）说：“我而家仲系单身嘅，我钟意嘅男仔就一定要高过我，同埋双眼皮，一个好阳光嘅笑容，讲嘢幽默但系思想要成熟嘅，仲要做运动嘅。（钟意边个男明星？）李治廷，因为我中学嘅时候就已经好钟意佢。”
呢个先系细妹余洁滢：
+17