日本殿堂级歌手西城秀树病逝 视梅艳芳为亲妹曾同台演出
撰文： 洪晓璇
出版：更新：
日本殿堂级歌手西城秀树喺16号下昼，因为急性心脏衰竭，于横滨市内医院病逝，终年63岁。西城秀树原名木本龙熊，1955年4月13日出生。17岁时以一曲《恋する季节》一炮而红，《YOUNG MAN(YMCA)》更风靡日本及亚洲各地。于日本歌坛中，同佢出道时间及年龄相近嘅乡裕美和野口五郎并称“新御三家”。
西城秀树嘅歌曲同日本传统演歌唔同，充满青春气息，1974年一曲《伤だらけのローラ》获得当年日本唱片大奖歌唱奖。同年只有19岁嘅西城秀树更首次参加红白歌大赛。1979年推出的翻唱单曲《YOUNG MAN（YMCA）》创下销售140万张的纪录，呢首歌至今仍被广为传唱。西城秀树当年喺香港亦大受欢迎，梅艳芳更系佢嘅歌迷会副会长，二人相识多年，西城视阿梅为亲妹妹一样，二人曾经喺日本举行嘅“亚洲青年音乐会”上同台演出。
近年西城秀树健康情况每况愈下，2003年及2011年曾两度中风导致行动不便，但佢并无放弃最爱嘅歌唱事业。4月13号刚度过63岁生日嘅西城，去到静冈嘅户外音乐会担任嘉宾，更宣布年底会庆祝出道45周年，推出历年于NHK电视台音乐节目及《红白歌唱大赛》演出片段嘅合集DVD，可惜佢已无法亲身见证作品。