【玩分身】黄浩然拍广告分饰两角：幻想两个仔对住电视叫两个爸爸

黄浩然最近为果汁品牌拍摄广告。之前为剧集《果栏中的江湖大嫂》演出嘅佢，就笑指因为咁而对生果认识多咗：“唔同季节嘅生果都会有唔同品质，依家拣橙同拣橙汁都会留意来源产地。”讲到广告中佢一人分饰两角，既要做大只仔又要做西装友，佢即笑说：“已经幻想到两个仔都大叫‘两个爸爸呀！’”咁佢喺屋企会唔会都分饰唔同角色？佢就话一早已经同老婆约法三章：“有时我会做严父，但都唔可净系做丑人啩，有时我嘅身份嘅系仔仔嘅朋友又系老师，亦师亦友，都几忙！至于对住太太，就唔使扮嘢，做返自己就最好。”