宣萱防腐唔靠整容 最惊开刀打针：怕返唔到转头
撰文： 赖家杰
出版：更新：
一直被称为不老女神的宣萱，相隔16年再度跟同一美容公司合作做代言人，宣萱好感慨讲：“其实冇人能够敌得过时间洗礼，唔可能有一个人零变化，好多人都同我讲保养得好好，我只系尽量将过程拖慢，同埋自己坚持唔会去整容，我都好惊，唔敢打啲乜野。”
但其实现今社会唔好讲艺人，好多市民都已经接受微调，Jessica就话：“除非有一日好需要啦，但我自己系会好惊....好惊（开刀？）系呀，打针开刀都好惊，面呢样好怕返唔到转头，大家都闹我谂得太多。”
Jessica还表示如果有工作须要，会尽量食少啲去减肥，尽量夜晚食少出街食饭，朋友饭局都会推，但若果Jessica揾男友系咪都需要陪佢减呢？Jessica就话：“唔会，唔会强迫佢陪我一齐咁做，呢啲小事嚟。唔减肥都可以有好多事情要磨合，不过最紧要大家要夹，最重要系价值观，譬如我自己就将钱排得好后，但如果揾到一个将钱放得好重，咁大家好多事情或性格都会撞，有啲事情钱买唔到，最紧要揾到一个开心，享受人生嘅人。”