【母亲节】林夏薇细个畀妈咪追住嚟打　“而家佢会挨夜等我收工”

母亲节的最佳节目当然是陪母亲饮茶食饭啦，不过为人子女的并非个个在呢日都有假期，林夏薇今个母亲节就要开工陪不到妈咪喇。她说：“以往都会同妈咪食饭庆祝，今年要开工，同埋妈妈唔喺香港，但我已经准备好礼物送畀佢。”问到她小时候有否被妈咪宠到好似公主咁，薇薇说：“妈妈当然好锡我，不过就唔会当我系公主咁嘅，会对我奖罚分明。人愈大觉得妈咪好伟大，养育一个小朋友成人真系要用好多精力同爱心，我都想可以陪多啲妈咪，好珍惜同妈咪一齐嘅时间。”

薇薇讲到妈咪对她奖罚分明，咁她又有否试过被妈咪打呢？她说：“有㗎，我细个唔听话时，妈咪会打我手同打我pat pat，追住我嚟打㗎，佢用手打我，都试过用衣架，因为我跑得好快，妈咪只手唔够长就会用衣架先打到我。我屋企家教好严，唔畀出夜街，限住几点要返到屋企，有门禁。”虽然被妈咪打，不过薇薇却认为教导小朋友，适当的教训是需要的：“其实有边个父母会想打自己仔女，打落去都会心痛，佢哋只系想为仔女好。我觉得妈咪打得啱，打完我先会入脑，记得自己错咩唔好再犯。”

至于妈咪做过甚么令她很感动的事，薇薇说：“自己做艺人开工时间唔稳定，好多时拍剧拍到半夜三更先收工，凌晨4、5点返到屋企，妈咪都等我门，仲炖定啲燕窝补品畀我食，佢会留字条畀我，我一边睇一边喊，觉得好感动。我叫佢瞓先唔好等我，佢话佢有瞓，但我知佢其实无瞓觉。”这些窝心的举动完全令薇薇感受到妈咪对她那份无私的爱。