【栋仁的时光．专访】黄长兴9年前淡离幕前　开餐厅成事业转捩点

《栋仁的时光》中，黄长兴饰演好好先生张潮岸（戆爸），其中爱女儿爱家庭的形象都在观众心中留下深刻印象。现实中的黄长兴其实与“戆爸”也有不少共通点。说起黄长兴的演艺事业，其实真是一波三折，先是法国回流香港的他参选“香港先生”而入行，后来又因“细佬”黄长发与鞋王三奶的恋情爆光演艺生涯直插谷底。之后黄长兴毅然决定另创一番事业，“为梦想”开设自己的法国餐厅。甚有生意头脑的他更成功在首半年回本。

“𠮶件事”之后，黄长兴亦没有因被TVB“雪藏”(虽然黄长兴本人坚持并不是“雪藏”)而停顿下来，反而变相成了他转战餐饮事业的转捩点。黄长兴：“𠮶时公司话要‘静一排’真系好大打击，我心谂点可以停工作。咁咪唯有当放下假先啰。但系我静咗一个星期左右，就同自己讲：不如出面揾其他嘢做，因为要俾家用父母，要使费㗎嘛。”

【栋仁的时光．专访】无悔细佬拖累事业 黄长兴：一世人两兄弟

【栋仁的时光】林子善35岁买两层楼 除一人打3份工仲有乜秘技？

同时间正好黄长兴有机会顶手一间法国餐厅。“2009年筹备，2010年就开咗餐厅（A La Maison Restaurant & Bar）。𠮶时因为原餐厅老板唔做，所以我就顶咗嚟做。其实都只系改一改个厨房同装修。（用咗几钱？）大约50万左右，因为我都系自己落手落脚涂油，上深圳买家私，咁样悭好多。（有冇赚？）因为我已经计过度过每日要做几多个客做几钱生意。头一个月营业额已经有15万，净赚都差唔多10万。”黄长兴笑言，因为自己兼任厨师一职，自己又可以“悭多笔”。“不过新餐厅呢，永远系头3个月最好生意，哈哈。宜家就冇咁多啦，所以我哋差唔多系时候转型。”其后生意越做越好，2016年更有投资者加入开设第2间于尖沙咀的新店（La Mer Restaurant & Lounge）。

黄长兴生活稳定，又爱情与事业兼得。套用一句俗话，他真的是“上晒岸”。所以黄长兴现在拍剧可算是兼职和为兴趣？黄长兴：“系㗎。调返转讲，我已经挂咗个名系一个celebrity chef（艺人厨师），即系star chef咁解。例如我会去活动煮下嘢食，好似谢霆锋嘅style。我已经离开咗餐厅老板，而希望喺国际地方上厨师课程，再升级下我嘅厨艺。”

说回拍摄《栋仁的时光》和重回演艺圈的经过。黄长兴表示好多谢珍姐（曾励珍）。原来黄长兴并没有与TVB签艺人约，不是亲生仔，也不是签约艺人。简单来说，黄长兴是属于自由身。黄长兴说：“珍姐话：‘我哋个部门同management唔同嘅，一个角色啱嘅，就会揾个artist嚟拍。’我只系想听到呢句说话，当然佢话宜家想签返我嘅，梗系开心啦。因为有剧拍，再加埋公司栽培，‘亲生仔’嘅身份，我都开心。”

黄长兴：“我14，15年都有拍剧嘅，但都系一啲戏份冇咁重嘅，都唔会影响太多我喺自己餐厅嘅时间。大家都知我好focus餐厅。2010年嘅时候我都推咗好多监制同导演嘅戏，其实我都唔应该咁做，做一个演员又点会推剧吖，系咪先？但系𠮶时，我觉得呢间餐厅需要我多啲。到2015年尾，合约到期嘅时候就同珍姐倾过计。我同佢解释之前系因为餐厅。珍姐（曾励珍）知道之后就话得啦，‘你想拍剧就嚟啦。’之后就好多嘅演出机会。”