Rihanna推出性感内衣品牌　亲自演绎超性感造型照

依家做歌手唔止系唱歌咁简单，好多唔同品牌都会同明星合作推出联乘系列。不过一向走在潮流尖端嘅Rihanna特别行得比人前，之前佢推出咗化妆品牌Fenty Beauty之后，最近就喺社交平台宣布会推出性感内衣系列Savage X Fenty，仲上载多张自己著住品牌内衣嘅性感造型照。

今日Rihanna再上载一张著住黑色喱士束衣配袜带嘅全身照，都几性感吓，更吸引到大批女粉丝留言话一定要买返套。其实今次Rihanna都系贯彻美学，加上今次嘅理念就系鼓励女性拥抱自己嘅身体，所以特别揾到唔同肤色同size嘅女model拍摄宣传照，希望所有唔同身形嘅女性都可以驾驭到品牌内衣，而成个系列会于5月11日公开发售。