盘点十位 TVB 现役女星学生相　李佳芯陈自瑶最清纯

每隔一排，网上就会流出一些明星嘅童年照，今次就同大家一齐睇吓一班啲 TVB 现役女星嘅学生相，当中有唔少在学生时期已经系校花，天生注定食呢行饭；有啲就“女大十八变”，当时不起眼的丑小鸭，今日已经变成女神。

庄思敏　香港真光中学

估唔到身为拿督女的庄思敏（Jacquelin），原来系喺香港读书。马来西亚出世嘅Jacquelin细细个就移居香港，佢作风一向出位，早年更公开承认自己整容和隆胸，仲话唔满意自己嘅身材。但睇返佢啲学生相，第一感觉系好清纯不做作，不施脂粉反而更加清秀，巴掌脸而且五官比例刚刚好，比起依家经常以浓妆示人，未整容未隆胸前嘅佢，更加有个人特色。

糖妹（黄山怡）　宝血会上智英文书院／狮子会中学

糖妹当年与糖兄以组合“糖兄妹”出道，但大家都只注意到外型可爱，蓄平荫大波浪头的糖妹。睇返糖妹张学生相，学生时期嘅佢，皮肤黝黑，发型有点散乱，虽然唔系行女神路线，但都系好可爱。

吴若希　廖宝珊纪念书院

荣升妈妈的吴若希，之前成日畀人话佢包包面，后来唔知点解，包面消失咗，块面尖咗不少，睇返学生时期嘅佢，没有化妆品的加持，眼睛望落更细，显得脸形更大。不过唔紧要啦，依家变靓咪得啰。

江嘉敏　嘉诺撒圣心书院

TVB 上位小花江嘉敏（Kaman），于剧集《亲亲我好妈》中以清纯学生形象出道，秒杀一众独男攀升成为女神级。Kaman仲参加过校花校草选举，学生时期的她除咗眼袋大咗少少，样子同依家都无咩分别。

蒋家旻　仁济医院林百欣中学

TVB 小花蒋家旻今年已经 28 岁，但依然非常童颜，睇返学生时期嘅佢，个样反而望落无咁细路女，眼大大皮肤白白净净，仲好乖咁夹起晒啲浏海，样子非常清纯。

刘佩玥　浸信会吕明才中学

读沙田名校的刘佩玥（Moon），相中的她穿著运动服，脸尖尖五官清秀分明，不施脂粉更显清纯，绝对不比现在的状态逊色，反而好似仲靓啲添！

冯盈盈　宝血会上智英文书院

香港小姐冠军冯盈盈（Crystal），学生时期的 FYY 同依家一样咁靓，同样系眼大大脸尖尖，相信裙下之神应该多到可以围住操场几个圈。

陈自瑶　宝觉中学

TVB 最索人妻之一的陈自瑶（Yoyo），即使生咗一个女，但身材依然Fit 爆，目前36岁的她，保养得宜，绝对唔差得过一线花旦。睇返著住校服嘅Yoyo，虽然张相有啲朦，但绝对睇得出学生时期嘅Yoyo已经系女神级。

黄翠如　五旬节林汉光中学

黄翠如学生时期已经接受香港电台《铿锵集》访问，当时块面有点baby fat 的翠如，虽然未达女神级数，但及肩短发加上说话条理清晰，言语之中带点威严，属于女班长型。而现在翠如褪去baby fat ，五官更加分明。

李佳芯　伊斯兰脱维善纪念中学

与黄翠如一样出身于有线电视的李佳芯（Ali），依家已经成功上位成为 TVB 一线花旦，从小三演到法官，形象多变，男女观众通杀。学生时期的 Ali 长发大眼瓜子脸，标准女神样，两个字：坚靓！