【西部世界】DJ Khaled话唔服务女人　Evan Rachel Wood留言寸爆

一向言论出位嘅DJ Khaled一段2014年接受外国电台节目《The Breakfast Club》访问片段最近被网民翻炒，喺节目入面DJ Khaled就大谈性经验，更指自己绝对唔会为老婆Nicole Tuck用口“服务”，更觉得女人要赞美同崇拜男人，同时女人为咗答谢男人就要用口“服务”对方。其后佢仲话自己接受唔到女人唔用口“服务”自己，而自己答谢女人嘅方法就系提供住所、食物同金钱。

DJ Khaled呢番言论就惹来唔少负评，连神剧《西部世界》﹝Westworld﹞同志女星Evan Rachel Wood都睇唔过眼批评DJ Khaled双重标准，更批评佢性别主义，喺Twitter留言寸爆对方，写道：“你真系走宝，我一向都好自豪同享受用口‘服务’女人，唔该你成熟啲。”另外，连The Rock﹝狄维庄逊﹞都忍唔住留言话：“作为男人，我对精通所有‘服务’而感到好自豪。”