【早霸王】男听众打麻雀无钱畀都识到女　森美：不如以身相许啦！

每逄星期五，又到《早霸王》的表白环节《你知道唔知道有人挂住你》，今日有位男听众“ 阿南”打去节目，话自己明恋的对象Zoe是在打麻雀时认识的。“𠮶次朋友唔够脚叫我去，都几靓女。”虽然成日都有人话打牌伤感情，但阿南就逆线而行，打出真感情，而且仲几高招。“我输咗钱，于是去揿机，但张提款卡无钱，所以就交换咗电话，打算之后再过数。”咁高明的抄牌技术，连森美听到都话叻！更不停笑言“肉偿同以身相许更快”
 

阿南之后同Zoe一直保持联络，有日更趁对方外游时鼓起勇气，透过WhatsApp发动攻击：“点解好似有啲挂住你?”虽然对方以“唔通愚人节你玩我”做回复令阿南不知如何是好，但终极一句“其实我都有啲挂住你”明晒啦！既然大家都画公仔画出肠，咁问题在哪呢？原来阿南“唔知系未”，所以令双方关系依然系暧昧状况。森美听完之后，即时表示“得！你有机会”更鼓励阿南暂时放下手头上的工作，马上打去表白。

电话接通后，Zoe听到森美小仪把声似乎已经知乜事，单身半年的她话自己身边有几个追求者，但自己就净系对一个OK，不过因为怕表错情所以死都唔肯开名，不过Zoe又点会斗得赢森美呢？最终她亦说出了“阿南”，听到阿南把声之后，Zoe傻笑之余，亦不忘提点对方“咁你讲啦”，阿南一句“同我一齐建筑我地未来”即时礼成。