黄长兴做廿四孝老豆　为仔女密密接job揾真银

喺剧集《栋仁的时光》入面饰演潮州佬嘅黄长兴最近人气急升，而密密揾真银，为舞蹈学校担任开幕剪彩嘉宾，期间更为囡囡“探路”打听艺术体操及爵士舞等课程，他直言：“作为家长，最希望子女可以喺安全同舒适嘅环境下学自己钟意嘅嘢。我当然会帮Paige﹝囡囡﹞去发掘合适嘅课程，所以都会准备带佢试堂。”另外，同时出晒名锡老婆嘅佢剪彩前就特意赶去睇老婆嘅空手道比赛，谓：“太太为咗照顾小朋友，已经停玩空手道一段时间，依家小朋友大咗，我都希望佢重拾自己嘅兴趣，重投训练几次之后，参加公开比赛即刻攞亚军，我真系冧晒！”

至于提到密 密接Job，黄长兴笑言多得公司畀机会，问到点样奖励自己？佢竟然廿四孝老窦上身，笑言：“都系储钱畀小朋友先，因为小朋友兴趣多多，最近囡囡学打网球，又要为佢添置装备，只要见到佢哋开心，自己自然就会开心！”