郑中基力撑广东话系母语　叫教育局局长辞职：你唔好问个西人？

撰文： 陈栢宇
出版：更新：
艺人郑中基在facebook强调粤语才是香港人母语。

早排教育局就Upload咗一篇中大学者嘅宋欣桥嘅文章，内容就主要系话“粤语不是母语”，引来社会广泛讨论，其中以前喺中大任教过嘅欧阳伟豪（Ben Sir）就极力反对呢种讲法，仲话教育局背后嘅动机一系矮化粤语，一系就压抑粤语。身为人父嘅郑中基（Ronald）觉得“粤语不是母语”呢种谂法好唔妥，仲喺facebook出Post，叫教育局局长杨润雄辞职：“你细个阿妈点教你讲说话？你依家系点样谂嘢？用咩语言逻辑？点解连母语系咩都要问人？仲要问个讲国语嘅人，你唔好问个西人？你点样做教育局长？你辞职啦！”而以前喺TVB教普通话嘅利嘉儿都话粤语先系香港人嘅母语：“虽然学普通话系一个全球大趋势，我亦赞成小朋友学多一种语言傍身；但我以后个小朋友一定要识粤语，因为粤语系我哋嘅母语！”至于邵仲衡亦将自己嘅facebook头像加上“广东话系我母语”嘅字眼，唔知大家又有咩睇法？

虽然利嘉儿之前喺TVB教普通话，但佢都认为粤语先系香港人母语。
邵仲衡喺自己facebook头像加上“广东话系我母语”字眼。