陈法拉结束四年读书生涯 有意进军欧美市场：唔读啦 饱晒喇
撰文： 赖家杰
出版：更新：
久未露面出席公开活动嘅陈法拉回港出席品牌活动，大家都好想知道法拉嘅近况，法拉透露：“上星期就完成咗最后演出，学校所有事都完成，呢4年终于可以松一口气。”法拉呢4年学业生涯终于完结，大家都期待佢回港发展自己嘅演艺事业。
终于毕业嘅法拉除咗松一口气之外，最开心系多咗时间，咁代表可以计划将来要做嘅事情，问到法拉会唔会继续读上去，法拉就话：“会继续拍戏，唔读啦唔读啦，读书瘾已经过晒喇，饱晒喇，因为真系好辛苦，唔系坐下咁舒服，因为一直都要演紧戏。”
大家知道法拉毕业后，立即成为抢手货，因为法拉透露已经收到好多剧本，香港，大陆，美国都有人揾佢，讲到咁忙，其实会唔会系想冲出亚洲，进军欧美市场呢？法拉直言：“我都希望呀，因为过去几年学做戏都系英文为主，同埋始终亚洲人喺美国都系少数啦，咁呢两年都多咗好多剧本写俾女性担纲演出，都唔系全部写俾白人，所以多咗好多挑战同机会。”