吴卓林认成龙系老窦引英美日媒报道　外国网友：好心你就自己揾工

18岁嘅“小龙女”吴卓林同母亲吴绮莉嘅关系真系时好时坏，最近又唔知做乜跌到落谷底，其中一早离家出走嘅卓林就同30岁外藉女友Andi飞去咗加拿大，仲拍咗条“寻父”片认自系成龙个女，希望关心佢嘅人知道佢依家发生紧咩事，佢喺片里面就用英文讲以下呢番话：“我哋已经揾过警察，去过医院、食物银行、LGBTQ庇护中心、全部都唔理我哋。”

片段一出之后，除咗香港嘅传媒广泛报道，连外国嘅传媒都好注意件事，当中就包括美国嘅《People》、英国嘅《每日邮报》、《太阳报》同日本嘅《日刊体育报》，呢次卓林真系可以话系“威”出国际。《每日邮报》就以话卓林系因为有“恐同家长”而要住天桥底，而《People》就重提返卓林3年前喺一个访问里面话自己唔当成龙系老窦。普遍网友就唔撑卓林嘅，当中有好多人就叫佢同女友都认认真真揾份工做，亦有人直指佢哋两个系利用紧成龙嘅名气。