谢霆锋回归乐坛明年香港开骚　想开户外场竟被大球场拒组？

近年醉心于厨艺嘅谢霆锋早前都讲过今年将会回归乐坛，佢亦都冇令乐迷失望，除咗喺叱咤颁奖典礼同KKBOX风云榜惊喜亮相之外，仲推出咗三首新歌。有报导指霆锋明年会举行巡回演唱会，而香港将会系巡回首站，不过霆锋出席公开场合嘅时候都讲过想喺户外场地开骚。据知霆锋所属公司英皇已经分别申请五个室外场地包括迪士尼露天场地、中环海滨活动空间、西九、启德邮轮码头及大球场，好可惜大球场方面已拒绝租唱。

有消息指英皇有意将演唱会移师到红馆举行，但因为霆锋对演唱会无论舞台、音响同视觉效果要求都好高，之前霆锋都讲过想演唱会可以大家企起身，好似嘉年华咁，亦嫌喺红馆开骚闷，所以到现时都未能落实。另外，据知霆锋经理人霍汶希都承认大球场拒绝租场，同时都因为噪音管制问题令音响未能达到要求。不过因为都知道大家好期待霆锋开演唱会，所以将会再开会商讨。