【英文缩写大解构】咩系IDGAF？　等Dua Lipa开骚唱你听　

曾夺得MTV欧洲音乐大奖及NME最佳新人奖嘅英国歌手Dua Lipa今日﹝5月1日﹞喺麦花臣场馆举行演唱会，将多首hit爆作品包括，《New Rules》、《Scared To Be Lonely》、《IDGAF》等，带到嚟香港同歌迷分享。首歌咁hit相信大家都有听过，但究竟知唔知道IDGAF系咩意思呢？

有时同朋友whatsapp，讲起啲激心嘢嘅时候我打“IDGAF”佢哋都会问我打乜。简单讲吓，其实“IDGAF”就系“I Don’t Give A Fxxx”嘅意思，即系“I don’t care”嘅意思。例子，当你脑细喺你放假嘅时候打畀你叫你做嘢，你又唔想理，你可以答佢“IDGAF”，如果你唔想捞嘅话。

最简单就系成日会用到嘅“LOL”，记得有几次我喺工作whatsapp group打咗LOL，之后我阿头打咩都加LOL落去，我顶唔顺佢讲啲好认真嘅嘢都加LOL，都九唔搭八，所以就问佢究竟知唔知LOL点解，原来佢以为系“啰”嘅英文拼音。其实呢三个英文字就系代表“Laugh Out Loud”，即系好好笑咁解，以后唔好用错喇...

可能因为有时打字打惯缩写，冇谂到可能对方都未必get到。记得有次同老豆whatsapp，我答咗句“IDK”，佢以为我打错字。虽然我哋成日用到，但系好多上咗年纪嘅人都唔会知道呢类型嘅英文缩写代表啲乜，而“IDK”就系“I Don’t Know”我唔知道嘅意思。睇返张图，除咗黑人问号之外，其实呢张图完美演绎到I Don't Know嘅意思。

“SMH”系“Shake My Head”嘅缩写，当有朋友做或者讲埋啲令你无言嘅嘢，你就可以“SMH”佢。

最后“FML”代表“Fxxx My Life”，意思就系当你遇到好差嘅情况而喺度自我哀叹。例子就好似当你同男朋友分手，同时冇咗份工，然后又差银行卡数唔够钱还min pay，呢个自怨自艾嘅时候，你就可以用“FML”，再睇返Michael Jordan喊到泪流满面，就知道FML系有几惨啦！