黄智雯《三个女人一个因》红到去美国登台　 年尾视后有望？

黄智雯（Mandy）今日（4月26日）出席梁材远新剧（剧名未定）的拜神仪式。Mandy今次拍剧将饰演外国回港的社工，更会与郑则士（饰演贵利）、邵美琪及苑琼丹有对手戏。黄智雯自言今次拍戏紧张又兴奋，对于自己更有挑战。黄智雯接受《香港01》访问时说：“今次角色比以往有啲唔同。今次演呢个角色看似好简单，但系我会谂个角色嘅想法会唔会比较西化啲。”

黄智雯表示今次拍剧最大的挑战是与一众前辈合作。“今次有Kent哥、Maggie、苑仔呢一班前辈。（有冇压力？）有，一定有。因为Kent哥系我姐夫，Maggie系我家姐，苑仔系我细妈，好多戏都系我哋一家人。”

与一众前辈做戏，有压力自然是正常。黄智雯表示每天返厂尤如“上堂”一般。原来Kent哥亦十分照顾“后辈”。黄智雯说：“Kent哥好好嘅系，佢收工之后，就算𠮶场冇佢都好。佢都会落场指导我哋。真系好仔细每句对白每个位，Kent哥都会俾啲意见。因为厂入面真系唔会有人讲自己嘅秘笈你听，所以真系有每日嚟返学感觉，真系好正。”黄智雯表示，Kent哥一辈的演戏方法就如同生活化一般融会贯通。“我相信如果几年前Kent咁同我讲，我未必会拿揑到。”

黄智雯自从《三个女人一个因》之后就爆红，令不少电视观众都重新认识这位“方以因”。黄智雯表示拍毕这部梁材远的新剧（剧名未定）之后又紧接下一套。“嚟紧8月份亦会去美国登台做表演嘉宾。听经理人讲，《三个女人一个因》出街之后反应都好好，所以多咗好多登台赚钱嘅机。今次除咗内地之外，例如新加坡、澳大利亚美国英国，𠮶度嘅唐人都会私信俾我，真系会突登去睇套剧。可能系个题材吸引到佢哋，所以我都开心嘅。”黄智雯今次凭《三个女人一个因》红到去美国，年尾视后实有机会啦。