同未婚夫Oscar另类放闪网友叫难顶　江若琳：想将佢丑态放上网

江若琳（Elanne）最近忙于拍摄马来西亚港剧《阳关道》，在剧中做女主角的江若琳，近年忙于喺内地拍摄电影唱歌，到今次终于能够用广东话拍剧，Elanne表示：“其实可以用广东话拍剧都几开心，今次做Madam都系第一次，因为以前拍警匪片都系做受害者或者比人杀死嘅，终于可以威一次。”

Elanne最近人生第一次做食店老板，而食店将于后日（26日）开幕，Elanne表示：“过两日就人生大事，自己嘅面馆开张啦，原来心情仲紧张过自己出新唱片，感觉就好似一个新生命诞生，因为所有事情系由零开始。”问到未婚夫萧润邦（Oscar）有冇俾做生意的建议，Elaine甜蜜话：“都有嘅，好多谢佢喺身边帮我咁多。”Elanne提提大家食完之后记得留个意见，好坏意见都一定接受。

江若琳与萧润邦经常在社交网站放闪，对于佢地呢种“行为，一众网友都表示“顶唔顺”，不过Elanne就唔太认同：“系咩，冇呀，我地成日都互串大家啫！”Elanne继续说：“我好钟意影佢(Osacr)嘅样衰相，同埋佢成日都好钟意喺车上面唱歌，但唱嘅歌都系搞笑咁唱，所以我成日都想将佢丑态放上网比大家睇。”呢种闪法，真系未必个个顶得顺。