【妈妈是超人】广电总局下令整治炫富　黄圣依名牌袋离奇被打格仔

大陆亲子真人骚《妈妈是超人3》虽然就《爸爸去哪儿》收视咁厉害，但凭住贾静雯带住佢2个超可爱嘅囡囡咘咘同Bo妞，节目啱啱出街嘅时候都算系有啲noise，不过最后跑出嘅唔系一早已经吸晒粉嘅小童星嗯哼，而系十年前嫁咗入豪嘅黄圣依，相信大家对佢嘅印象仲系停留喺周星驰套电影《功夫》度，之后好似冇咗影咁，如果唔系上呢个节目，大家都唔知佢生咗个囝。

【妈妈是超人3】黄圣依婆家间屋大到吓死人　饭台坐得落三十几人

【妈妈是超人】黄圣依家族唔止有钱　妈妈做记者全家拥惊人高学历

第一集大家见到黄圣依奶奶徐水间屋，个个都哗哗声，又有滑雪场，又有室内游乐场，屋企张饭台仲坐得落三十几人，真系这些机会……贫穷限制咗大家嘅幻想，喺香港地觉得复式House已经叫豪宅，但黄圣依间屋竟然仲可以有扶手电梯，唔知系因为葡萄定仇富，突然就吸引到好多人追睇《妈妈是超人3》。

但大家都将个焦点放喺黄圣依有几有钱，仲起埋佢屋企人底，的确黄圣依老公好叠水，身家过百亿人仔，节目上营造到佢唔识凑囝煮饭，搞到囝囝安迪好孤独，好惨咁。节目上面见到黄圣依屋企成个柜都系Hermes，真系恨死睇紧节目嘅观众，但唔知系咪节目组怕大家太酸，竟然追住黄圣依个名牌袋打格仔。其实是咁的，中国国家新闻出版广电总局喺上年严肃整治炫富、享乐、暴力类视听节目，所以之前《爸爸去哪儿》吴尊嘅纹身都被人Blur晒，这就是中国，大家张就吓啦。