陈滢揸车最怕遇急燥司机：打晒灯举晒手都唔肯让我
撰文： 张嘉敏
出版：更新：
无线多个制作扬威“2018纽约国际电视电影节》勇夺七个奖项，其中陈滢 (Jeannie) 有份主演的《全职没女特约：酒店西人集》网络宣传片就获得“数码喜剧节目组别优异奖”，Jeannie出席祝捷酒店时被问到在日常生活，可有遇过一些“西人”(意指行为令人反感的人)，她想了想说：“通常都系遇到人打尖，同埋揸车唔肯让嘅司机。香港人揸车比较急躁，我明明打晒灯举晒手，都唔肯让畀我，我唔明呢啲人嘅谂法，其实让一让唔会阻佢好耐，系咪真系咁赶时间？不过我8成遇到嘅都肯让，得2成唔肯让啫。”
至于畀人打尖，Jeannie就话在香港比较少，反而在外地常会遇到：“啲人明明打我尖仲要同我理论，好野蛮，我畀人打尖一定会出声，绝对唔会哑人。”她自言自己亦不会做“西人”：“我自细畀婆婆教得好好，自问好有家教，对人好有礼貌。我会主动对人笑，同人打招呼，不过好多香港人反而会觉得我咁样做好奇怪，我都试过畀人叫我唔使讲咁多唔该多谢。”