【创造101】网络女神林珈安靓爆镜来头劲 仲同彭于晏暧昧过？
撰文： 陈栢宇
出版：更新：
内地大型偶像真人骚《创造101》将于下星期开播，101个练习生正蓄势待发咁等正式同观众见面，而节目最后亦会选出11个成员组成一队全新女团。其实一众练习生里面都有唔少比较熟嘅名，包括Popu Lady嘅宝儿（吴昀廷）、参加过《超级星光大道》嘅陈芳语（Kimberley），同埋我哋香港代表许请韵。不过，最最最Sharp嘅就唔系以上𠮶几位，而系现年27岁、来自台湾嘅林珈安（Lyla）。
虽然Lyla嘅facebook follower唔系好多，得𠮶30几万咁，但系就真系好受欢迎，次次Share眼大大靓相都引嚟劲多人Like同留言。当古巨基、戴佩妮等知道佢有份参加《创造101》时更帮手拍片呼吁网友向Lyla“打Call”。而其实林珈安真系来头唔细，曾经加入组合Roomie嘅佢单飞后就试过为自己作词作曲，亦试过先后做李玟、陈志明同庾澄庆等歌手嘅MV女主角。除咗拍戏拍剧，佢都系设计师，有一个自家制嘅饰品品牌。不过，最把炮嘅都系因为三年前佢被台湾传媒影到入彭于晏屋企，因而传佢同男方拍拖，当时啲传媒仲赞佢系“颜值高360度无死角”，好彩绯闻都系传咗半年咁多，令一众“彭太”好安心。
其他林珈安嘅靓相：
+27