周秀娜接受唔到男友帮佢拎手袋　︰手袋系造型之一，我又唔系冇手

周秀娜 (Chrissie) 单身多年至今仍未拍拖，到底要夺得Chrissie芳心可以点做？别以为向她大献殷勤就可以，原来Chrissie接受不到男仔帮她拎手袋。今日她出席手袋品牌活动时，被问到可会接受到男仔帮女仔拎手袋时，她说：“我自己就接受唔到，如果系啲重嘢，例如shopping完买咗好多嘢，咁畀个男仔帮我拎梗系ok啦。但手袋我会自己拎，唔会畀个男仔拎，就算系佢自愿话要帮我拎，我都唔会畀佢拎，会抢返，因为个手袋系我嘅造型之一，同埋我又唔系冇手。”

她又指通常现在的男生都好注重形象，甚少会帮女仔拎手袋，但若果会拎也是出于好意想展现出gentleman的一面。至于男仔有咩行为她是接受不了的，Chrissie说：“我钟意干净企理，接受唔到污糟邋遢，不修边幅嘅人，咁样不如唔好出街算啦。”提到早前她到泰国拍戏吃多了而自觉肥了不少，身材明明fit爆的她表示：“拍戏期间我懒做运动，觉得自己冇咗线条。”不过她即将出席金像奖颁奖典礼的战衣，却依然要改窄，她说：“外国size嘛。（会唔会性感上阵？）尽我能力以最靓姿态示人，咩都唔谂，最紧要靓。”