黄圣依妈妈上节目晒英文　安迪面试讲唔出最快乐的事

黄圣依同囝囝杨安迪参加内地亲子真人骚《妈妈是超人3》，引起唔少话题，早前安迪嘅嫲嫲公开佢嘅九万呎世界级豪宅，令大家哗然；今次轮到外婆登场，上次嫲嫲炫富，今次到外婆在节目上大晒英文。

黄圣依出生于上海一个传统知识分子家庭，妈妈邓传理系《新民晚报》编辑，父亲黄自强系大学讲师。第三期讲到安迪到上海参加面试，黄圣依顺道带佢去探外婆。外婆煮好一顿饭畀圣依同孙仔，安迪本来津津有味咁品尝美食，但可能外婆太耐无见安迪，一见面就捉住佢讲面试答题技巧，仲同黄圣依车轮战咁轮流考安迪英文同数学，睇得出外婆英文基础不错，果然系书香世家。

安迪初头都有回答应付妈妈同外婆，但到最后佢忍唔住开始敷衍作答，甚至胡乱讲嘢作出反抗。对于黄圣依同外婆嗁教育方式，网友出现两极嘅反应，有人就觉不过安迪好可怜，食餐饭都要畀家长不停考试；另外就有人话家长呢种随时随地给孩子上课嘅方式好好，可以巩固小朋友嘅知识，或许细路仔呢刻唔钟意，但大个之后会感激父母。

黄圣依同外婆嘅教育方式好唔好我哋无资格评论，不过孩子真系好需要大人嘅关怀。呢集最令人心酸嘅系，安迪面试时，老师叫佢分享一件最快乐嘅事，安迪一脸茫然，完全讲唔出。老师认为安迪不是特别能表达自己嘅情感，呢个情需要父母多些陪伴，同佢有多啲日常交流。安迪自细跟著嫲嫲长大，缺乏同父母相处嘅时间，形成佢沉默内歛嘅性格，令人心疼。