肌男郭子豪为参加健身大赛　挨过7个月零收入

出名大只的郭子豪联同女主角黄智雯一齐出席《三个女人一个因》宣传活动，活动未开始时，郭子豪都密实打扮加件外套，到活动开始后，子豪终于顶唔住炎热天气，将外套除掉露出一身强劲嘅肌肉，子豪笑称：“其实自己唔系一个随便裸露嘅人，你见我啱啱嚟嘅时候都系著住外套。”
 

而宣传期间黄智雯都好入戏，经常挑逗郭子豪，令到子豪都一脸尴尬，子豪表示：“都尴尬呀，始终仲系新人，比较少经验，现场仲要唱埋歌，近乎系零经验。”真系估唔到郭子豪一个肌肉男人会咁怕丑呢？

众所周知子豪一直都好努力去操弗自己，而他亦将参加一个世界知名健身比赛，佢都想凭住呢个健身比赛，成为Tvb首个艺人可以系健身界得到一个名衔。其实子豪练大只背后都有一段辛酸史，子豪感触地讲：“其实自己去健身都牺牲好大，因为自己用左7到8个月苦练，而呢一段时间都系冇收入嘅，好彩自己都有一啲储蓄同会间中Freelance教人健身。”听到子豪咁辛苦先有今日嘅成绩，果然不负佢爆肌男神之名呀。