王力宏遭老婆李靓蕾偷拍报复　公开绝密浴室片段大整蛊？

王力宏同老婆李靓蕾近排公开耍花枪，继日前王力宏喺网上大晒爆肌身型，怨老婆做低头族，练到咁大只都唔望吓自己。李靓蕾随后在IG预告将进行“偷拍大战”，“报复”老公偷拍自己，网民纷纷留言话好期待呀！

李靓蕾牙齿当金使，真系走去偷拍老公，仲要系趁王力宏喺浴室𠮶时影添，王夫人真系好慷慨呀，不过可惜阿力宏当时著住浴袍。影片中嘅王力宏应该系刚冲完凉，李靓蕾开咗条门罅偷影，即将举行演唱会嘅力宏，喺浴室度放声练歌，李靓蕾话老公已经练咗3个月，连冲凉时间都唔放过。王力宏除咗喺浴室唱歌倾公事之外，仲有上磅量体重，李靓蕾意外公开老公嘅体重，系72KG，以王力宏嘅身高嚟讲真系好fit。

之后王力守发现老婆偷拍，温柔问老婆：“做咩影我？”李靓蕾佻皮地哈哈两声回应，王力宏说：“这是报仇的意思吗？”然后张开双手，一副任你影嘅样，之后话要开个浴袍演唱会，随即又唱起歌来，两公婆嘅互动真系非常温馨搞笑。