郑秀文力撑刘德华演唱会：日日做嘉宾都冇问题
撰文： 赖家杰
出版：更新：
天后郑秀文今日(10日)出席时尚品牌慈善企划揭幕礼，活动中除了Sammi到现场支持外，仲有徐濠萦、周汶锜、杨张桑悦、欧阳娜娜等名人支持。许志安早前接受访问讲到想同Sammi夫妻档一齐外访贫民，其实Sammi都知道老公有此打算：“其实都几有趣，大家都系分开做探访活动，但一齐就未试过，所以一齐感受都唔错。”
Sammi还透露最近忙于拍电影：“过去九个月到依家已经拍紧第四套电影啦，自己都好唔够时间休息、一有时间就瞓啦，所以有时间都要休息一下。”而郑秀文同刘德华呢一对“梦幻组合”将会再度合作，相信粉丝们都十分期待呢一部电影，Sammi表示：“其实仲未同华仔开始拍，但知道华仔已经试咗造型，佢收左剧本，因为华仔系一个好高要求嘅人，佢要研究前文后理先，不过而家已经好期待，因为好耐冇一齐合作。”
而刘德华将会再开演唱会，相信作为好朋友嘅Sammi一定会无条件咁全力撑场，Sammi笑言：“如果佢演唱会用得著我，我日日去帮手都冇问题，不过佢需唔需要我就唔知道啦。”华仔演唱会若果晚晚都会见到你台上做嘉宾，大家真系拍烂手掌呀。
演唱会黄牛党问题一直都未能解决，最近华仔就讲明取消内部认购，对于华仔呢个做法Sammi好感动，问到有网友希望以实名制卖票，Sammi回应：“如果实名际可以实行都可以尝试一下，但知道对于某部份观众嚟讲都系一件几烦嘅事，所以凡事都有好同唔好，自己暂时仲未谂到办法。”