王力宏网晒爆肌相　怨老婆李靓蕾：要练成怎样老婆才会注意我？

台湾歌王王力宏今年41岁，但依然keep得好好，佢同老婆李靓蕾结婚5年，仲生咗两个可爱的囡囡，可能真系已经老夫老妻啦，少咗啲激情，王力宏日前喺社交网站上载咗张相，佢半裸爆肌上身，展现结实胸肌、腹肌、二头肌同三头肌，但老婆竟然不为所动，眼尾都唔望一吓，连一代男神都忍唔住感叹：“要练成怎样老婆才会注意我？”

王力宏当年同李靓蕾闪婚，不知令几多女歌迷心碎，妒忌李靓蕾可以独霸男神，依家男神努力操肌Keep到咁fit，佢竟然视若无睹，净系挂住望iphone，简直系暴殄天物！唔通真系学网友话斋，“食得多鱼翅都会厌”？王力宏见自己老婆唔识欣赏，咁唯有公诸同好啦，将自己嘅爆肌相放上网，都好嘅，练咗唔好嘥嘛。