【神雕侠侣】杨过郭芙23年后重聚　网友：唔好再斩古天乐只手

撰文： 洪晓璇
出版：更新：
古天乐早前偶遇李若彤，姑姑同过儿呀﹗（古天乐微博）

古天乐自从当选最新一届演艺人协会会长，加上凭住电影《杀破狼．贪狼》成为金像奖影帝大热，呢两个月真系隔日就见一见古仔现身，唔系出席活动就系同圈中人聚餐。日前古仔参加黄百鸣72岁生日PARTY，唔少人捉住古仔影相，其中一张特别引起哄动，就系《神雕侠侣》中嘅郭芙傅明宪，23年后再遇杨过呀﹗

过儿见完姑姑就见到郭芙，网友搅笑留言叫傅明宪唔好斩人只手。（傅明宪IG）

古天乐再post同李若彤合照 有意再拍《神雕侠侣》【童年回忆返晒嚟】小龙女李若彤食饭巧遇杨过古天乐：感觉奥妙　

杨过郭芙过咗23年后再遇，两个人都好似变咗好多。（网上图片）

早前古天乐食饭时偶遇姑姑李若彤，先后写咗两篇微博分享感受，令网友回忆不断，其实经典嘅又点止姑姑同过儿呢。於戏中钟意杨过又不愤得唔到对方，最终斩断杨过手臂嘅郭芙，当年傅明宪将呢份刁蛮任性演得淋漓尽致，令人又爱又恨。过儿同姑姑都系等咗16年可以再相会，估唔到郭芙要等足23年先见返杨过，女嘅精灵大眼依旧染成一头金发，男嘅就由白面杨过变成又黑又大只，呢张相真系令人又唏嘘又感动。古仔今年揾齐林峰宣萱会开拍大热剧集《寻秦记》电影版，唔知嚟紧古老板有无兴趣拍《神雕侠侣》电影版呢？

网友表示当年傅明宪古装扮相，靓到憎佢唔落。（网上图片）
+1
【金像奖 】纪念特刊封面拆解　古天乐现迷人酒窝刘德华chok到爆【金像奖2018】街坊票选影帝古天乐有暗涌？　业界力证影圈好青春《脱皮爸爸》遭特技大片夹攻内地票房失利　古天乐被嘲票房毒药