昆凌网晒著“大肚婆裙”相　肚凸凸唔通有第三胎？

乐坛天王周杰伦2014年与细自己14岁女星昆凌结婚，婚后近4年已经生咗一女一子，育有囡囡“小周周”及囝囝“罗密欧”，凑成一个“好”字。昆凌今日喺IG破天荒晒母女正面相，著住松身长裙嘅佢肚突突，马上惹嚟大肚疑云，大家都禁留言：“又怀孕了吗？”

周董完成香港站巡回演唱会之后，近日到澳大利亚悉尼继续演唱会，咁啱去老婆昆凌乡下，当然要带埋妻女同行啦。昆凌喺社交平台分享照片，仲非常难得咁文咗张拖住囡囡小周周全身合照，昆凌同女儿一齐著粉红波点母女装，非常可爱吸睛，由于条裙真系相当宽松，而且条裙嘅腰线又稍高，令人将注意力放喺昆凌个肚度，大家都怀疑呢张相系“第三胎预告”。

睇返昆凌近来嘅衣著，好似都比较宽松，佢好似好耐无著显腰线嘅紧身衣著，唔通真系有咗？有台湾媒体向昆凌经理人求证，但得到否定嘅答案，经理人澄清话只系娃娃装的关系，否认昆凌怀有第三胎。