李佳芯自称唔啱同朋友住　因为女神在屋企唔钟意戴bra？　

李佳芯（Ali)于无线新剧本《白色强人》中饰演心胸肺外科医生，剧中与张曦雯、唐诗咏既是同事又是同屋主，感情要好，不过问到现实中可曾与好友租屋住，Ali就话未试过。“我本身好‘哩啡’，又有可能喺屋企唔戴bra，所以从未谂过同朋友租屋住。”咁样讲法，应该唔少人都想做Ali同屋主。

提到剧中一幕幕的手术场面，Ali坦言十分怕血，小时候试过因割伤手指，流血搞到休克。“但依家都ok嘅，睇多咗所以唔系好怕。”她又指全剧最难是手术时的手势，以及医生的感觉。“专业用语反而唔难，都系靠背，但手势要模仿都唔易。”Ali又指虽然首次与郭晋安、马国明合作，但过程愉快，更笑指二人完全是大细路，毫无架子。