【有片】陈柏宇符晓薇拍片公布腹中块肉性别：有冇慈菇椗？
撰文： 洪晓璇
出版：更新：
中国人传统思想，硬系觉得结咗婚就要生BB，生个慈姑椗即系囝囝就更加圆满，可以传宗接代呀吗﹗陈柏宇去年同老婆符晓薇拉埋天窗，婚后火速造人成功，两日前上载超声波照公布喜讯，至于BB性别到底系男定系女？陈生陈太就相当有心思，呢日叫齐一家大细拍片公布，大家买定离手啦。
4月7号Jason喺IG上载超声波照，宣布造人成功，呢日就上载短片公布BB性别啦。见到片段中佢地约埋一家大细齐齐见证，陈生陈太买咗个靓蛋糕，好似西方传统咁，切开蛋糕如果系粉蓝色代表生仔，粉红色就代表生女。Jason话：“究竟男定女呢？有‘慈菇椗’定冇‘慈菇椗’？我哋嘅终极揭盅方法，系切蛋糕，用颜色代表性别。”一路拆包装时Jason一路讲唔停，话自己觉得系囝囝，但陈太就话自己其实想生女。开估啦，一切开系粉红色架，Leanne即刻开心到尖叫，然后大家仲一齐嗌“IT'S A GIRL”！唔知Jason会唔会系怪兽爸爸呢？