【3日2夜】欧阳巧莹同翻版袁伟豪游帛琉：我老公 (林师杰) 先最正

无线刚刚播出的一集《3日2夜》除了有靓女主持欧阳巧莹 (Tammy) 同帛琉靓景睇之外，今次仲有靓仔型男添，他就是名叫Cooper的当地导游喇，同场仲加映帛琉美人鱼旅游大使陈蕊蕊的美人鱼look。讲返呢位靓仔导游Cooper，他个样有些似袁伟豪，不过比袁伟豪更加大只，兼留有胡须显得更加Man。他带住Tammy周围玩同品尝美食，又分别公主抱Tammy同蕊蕊去浸牛奶湖，好gentleman㗎。

有个咁型仔的导游带住去游山玩水，相信不少女仔都会好冧，呢位Cooper真系成个model咁款，揾埋他一齐影相都开心啦。虽然Tammy都觉得Cooper好正，不过在她心目中最靓仔最吸引她的，始终都是她未婚夫林师杰，她直言：“边有得比吖，咁我梗系觉得我老公最正啦！”Tammy面对如此猛男都不为所动，而且未结婚就已经叫定师杰做老公，好sweet呀。