冯盈盈王卓淇晒长腿跳韩国女团舞 袁文杰乱入Freestyle
撰文： 冼燕珊
出版：更新：
TVB剧集《果栏中的江湖大嫂》就嚟大结局，剧中演员依然卖力宣传，其中王卓淇(Erin)日前就喺佢嘅IG放咗条跳舞片，同一班《果栏》演员一齐跳韩国女团TWICE嘅《LIKEY》，提大家记得继续追剧。
呢条片分两部份，第一Part系同小狼女冯盈盈一齐跳，两个女仔一个著热裤一个著短裙，大骚长腿，加上动作非常合拍可爱，而且充满动感，获得唔少粉丝大赞，仲话想跟住跳埋一份。而另一Part就系同江嘉敏、袁文杰、吴家乐、许家杰一齐跳，不过因为王卓淇比较熟只舞，所以动作比较流畅，江嘉敏都有努力跟住跳，不过因为唔多熟所以动作比较生硬，但以甜美笑容搭救。而其他人直头系freestyle乱咁跳，似插科打诨居多，不过气氛就好欢乐，粉丝都话睇得好开心。
王卓淇2014年参加香港小姐夺得亚军入行，同届冠军系邵佩诗，因参选时貌似陈法拉而被媒体称为“硕士法拉”。Erin 在广州出世，大学就就读于广东外语外贸大学南国商学院，毕业后赴英留学并于西英格兰大学修读一年制本科课程。完成学士学位后往英国萨里大学修读国际商业管理硕士学位。不止学历有返咁上下，家境都唔错，据指Erin爸爸于中国内地经营护肤品生意，当年Erin来港参选，仲住喺位于奥运嘅凯帆轩添。