蔡依林靠衣著穿出完美身型比例　网友惊叹：小矮人影出两米腿

撰文： 洪晓璇
出版：更新：

年龄系女人嘅秘密，身高就应该系艺人嘅秘密啦，除非天生一副Model身型，180cm行出嚟当然可以直接讲啦，如果唔系报多几cm高度，真系相当正常嘅一件事。Jolin蔡依林官方报称高度系158cm，见过真人就知应该减返三两厘米比较合理。虽然身型娇滴滴，但Jolin嘅天后气势十足，企埋人墙般嘅超模或Dancers访边都绝不输蚀，最新一张街拍照中，令网友惊叹“小矮人都可以影出两米腿”﹗

蔡依林呢张相，双腿比例也太长了吧。（蔡依林IG）

Jolin呢日著嘅高腰阔脚牛仔裤，应该系天后近期至爱，事关单睇IG一个月内佢已经著咗三次。天后身型虽然细粒但身型比例相当唔错，Jolin亦好识突显自己长处更显高佻，其中最重要嘅一个要诀，就系突显腰部线条。高腰裤裙简单直接地将腰线拉高，阔脚裤可以遮住鞋面，著埋高跟鞋，真系拉高15cm都神不知鬼不觉。

睇嚟蔡依林真系好钟意呢条裤，一个月PO三次著住周围去，记得配贴身上衣比例更长。（蔡依林IG）

但大家紧记，阔脚裤记得配贴身上衣，或者好似Jolin咁配以露腰衫，整体效果更干净俐落。如果著裙的话，长裙等于变矮冬瓜呢个迷思已经Out啦，学下Jolin耍小心机，就系开高衩﹗仲要有咁高开咁高，走动时让美腿展露无遗，加上露腰或显腰线上身衣著，影出嚟“胸部以下都是腿”绝对不是梦呀﹗

著长裙唔想变矮冬瓜，最紧要开高衩﹗(蔡依林IG)
唔开高衩的话，好似Jolin咁玩透视，若隐若现一样得。（蔡依林IG）
+6