徐天佑keep住操肌唔敢松懈：老婆唔想我肌肉变猪肉
撰文： 梁子健
出版：更新：
Shine早前于红馆开个唱，两位型男除衫骚肌展示苦练成果。比起又南泵涨般的肌肥大，小编更爱天佑的钢条型，一见难忘。因此当得知天佑今午出席腕表品牌活动时，9秒9举脚自荐，却忘了哪有人会在腕表活动除衫骚肌这么奇葩，直到到达现场看见天佑时才恍然……
由于关心天佑腹部上的巧克力，记者亦单刀直入：“（完咗演唱会后有无松懈，排巧克力仲喺唔喺度?）依家都仲有，因为上年开始无乜食肉，食得好清，同埋觉得难得演唱会有机会俾我操咗几个月，尽量keep住啰，唔可以懒，要重新开始操好辛苦㗎，𠮶时真系操到呕，原来真系会呕，当你练到好辛苦时仲要夹硬逼，真系会反胃。”
得知天佑辛苦到呕，粉丝当然会心痛，但想不到天佑老婆却……
“（老婆有冇心痛?）佢话你快啲keep住啦，继续操密啲，佢梗系唔想见到我肌肉变猪肉，但佢都会奇怪点解我仲会keep住食白烚无油嘅食物，因为我都想keep住，之前演唱会系钢条身型，依家想再多啲肌肉，大只返少少。嚟紧要拍戏呀，如果唔keep成日都开工先临急抱佛脚嘅话，其实系好辛苦，亦都准备唔切。”天佑说想再大只啲，不要钢条，心中一寒oh no﹗
keep住操肌，练好体能，先可以实行造人大计。“其实我哋都希望喺呢一两年内成功，但我哋都好忙，佢身体又弱，我都成日叫佢煲多啲汤水调理一下。最大问题都系要夹工作时间啦，因为我哋好少见，我返到屋企佢又出咗去中，而且都要谂定真系有咗小朋友，工作上又点呢?系咪要多啲时间留喺屋企?”
预早考虑先做计划是需要的，但很多时也是船到桥头自然直，就好像得知天佑想将钢条身型练至爆肌大大只时，也只能自我安慰：“船到桥头自然直。”